小鹿

未食過法國菜架,Delifrance唔算啦…(唔好玩啦…>o
呢間曼谷出名平靚正casual版既法國餐廳,真係久仰其名,但因為好耐無去過 Bangkok,所以未試過!

青衣城開分店時已想去試,但太遠喇…所以 Telford 呢間開,比利就話趁我壽頭日去吃一餐法國大餐!!!

上網睇,D人都係覺得 Bangkok好D, 而HK就青衣城比Telford 呢間好…

所以完全無expect, 間餐廳亦無懶係野咁,係個 reception D態度麻麻,但其它待應 service 係ok既!
裝修就真係求其…完全唔會令你嘩一聲咁o羅…

我地兩個都叫左9 Courses ($238), 比利叫左杯 house wine, 我唔飲酒…飲橙汁…哈哈

食法國菜份量一定少,我地一路食仲一路話唔夠就出去再食過, 點知食到尾都飽飽 lu。

１）黑白芝麻吞拿魚剌身卷 (我鍾意吞拿魚剌身,一定話好食,D芝麻好香)
２）香煎鵝肝／法式焗田螺 (比利食鵝肝,我食田螺,比利兩個試晒,話田螺得D)
３）皇帝蜆拼青口配白酒香草醬／凱撒沙律(兩個都揀前者,個汁好味,但D青口同蜆好細隻)
４）干邑龍蝦湯 (我飲左兩啖比埋比利飲,比利話我D口味仲停留小朋友年代,接受唔到 bitter D既野…咁…有苦咖啡味既湯我真係接受唔到 ma)
５）青檸雪芭 (點D鹽食,好正!)
６）蒜香煙肉意大利粉 (炒得幾好味,但份量太少喇!)
７）燒三文魚配香草汁／澳洲羊仔鞍配露絲瑪利醬 (兩個都揀後者,好味!)
８）暖心朱古力蛋糕配雲呢拿雪糕 (我既!朱古力蛋糕暖既,中間注滿朱古力漿,很濃,唔太甜,但很膩,朱古力蛋糕唔夠軟…) / 木糠布甸 (比利既!好味過我o個個)
９）飲品

究竟呢九道菜好唔好食呢？其實,以呢個唔算太貴既價錢,試一餐法國菜係ok架喇,但唔好期望過高! 我地食左個幾鐘,每道上菜時間都算快喇!

食完法國大餐,要用法文祝福下自己先 ~~Joyeux anniversaire à l'ADA

仲有 ~~ BILLY, Je t'aime...哈哈哈