小鹿

尋日見到 LUMINE EST 今日會開始sale 既 poster 後, 個心就好期待~~

因為去日本咁多次都無試過踏正佢地 crazy sale 既日子去,唔知係咪真係好顛架呢??

我地經過高島屋... 水靜河飛,啊~~ 原來佢地聽日先開始 sale, 唔怪之得無乜人行啦~

跟住就去 LUMINE EST 喇... 嘩~~ 同高島屋完全係兩個世界,晨咁早已經咁多人,今日星期五喎... 難道D日本人顛到要請假買野??

我地兜左地下o個層一個圈...發覺好多舖頭真係劈價50% off... 真係 crazy !!!! 

我入左 Beams 睇,有好多人已經好似失控咁o係D摷到亂晒既衫堆入面係咁摷... 

講真,我係幾怕咁樣買野,咁樣摷法係好難買到自己想買既野,但又會貪平唔執輸,買左D唔等使既野返屋企喎~

同埋,我見之前睇中既衫同袋係完全失蹤架... D新貨係收埋晒,所以...都係算啦...走

雖然50% off 真係極吸引~~~~ (呢度全部女人野,一陣同老公分開行先再黎啦~)

跟住去 Isetan 睇,同高島屋一樣,都係因為未開始 sale ,所以都係無乜人~

好,同老公解散, 1:00 PM o係 01 YOUNG 等~

跟住即刻標左去三越睇 Jelly Beans, 都係無乜人喎,嘻,仲好,可以好 free 咁揀~~

我都o係呢度試左好耐,有D鞋都有10-20% off 架,可惜睇o岩D款又無 size ~

(( 咦,突然老公o係我眼前出現,拎左個 mango puff 比我食 ,佢話估死我實o係呢度~ hee  ))

最終,我揀揀揀,只係揀到兩對鞋咋~

買完 Jelly Beans,我就去 01 YOUNG 睇喇~~ 睇中左個白色 SAMANTHA VEGA 既袋,佢係 SAMANTHA THAVASA 既 young line, D袋唔係真皮,所以會平D架,大概 HKD 700-800 蚊到~ 等一陣見到老公問下佢意見先~

逛完01 YOUNG, 都已經 12:30 PM, 仲有半個鐘  ~ 咁就走去 LUMINE EST 做下 preview 先啦~

真係勁多人呢~ 我以極速標去 3 COINS 買左我鍾意既林林沈沈既飾物,得意野同毛巾仔先,一陣可以專心睇衫 ma~ 

同老公集合番就拉老公去睇SAMANTHA VEGA 個袋喇,佢都覺得幾好,咁就買啦,仲加左串心心吊飾添!

老公頭先逛左 01 CITY 同 ABC Mart, 但乜都買唔到~

跟住去退稅時,老公見到有對 Nike 幾靚,咁又買埋,一齊去退稅喇~

 
白色 SAMANTHA VEGA 袋 / HEM 買既 on sale item , 勁平呀

  好熱辣辣,好新鮮架~

離開 01 YOUNG, 就去食 MOS BURGER ~ (我始終覺得日本好食過HK好多)

食飽飽,我地就返酒店放低D野~ 老公下一站係池袋,因為佢之前o係 SEIBU 留左個 V.W. 銀包呢~

咁我梗係繼續逛新宿啦~~ 最後衝刺喇! 我地約 9:00 PM o係酒店集合~

 

我首先去逛有 SALE 既 LUMINE EST, 買左d減價飾物同o係 earth music and ecology 買左D減價衫同三腳骨牛仔褲,原本想試條牛仔褲o岩唔o岩著架,但見要等成20個人先有得試,都係買左先算~ (好彩o岩咋) 其它 brand 都有逛下既,但我見多人得滯就無乜心機睇喇~ 所以悠悠閒咁逛下就算 ~

((出黎就勁大雨喇~~))

逛晒LUMINE EST,咁又無乜野買到~ 

噓...都係唔好貪平,我就再去01 YOUNG,買左D衫同褲,又去藥房掃左D野~



其實行左成日,真係好鬼(支力)... 都無乜心機再逛~~

行番去平時好鍾意行既 MY LORD, 都係兜左個圈就算,跟住就返酒店!

返到酒店都係 8:00 PM, 我諗老公有返過黎再出去,見佢放低左D戰利品~ 

老公梗係以為小鹿會逛到盡啦,點知我自己都估唔到自己咁早返酒店,嘻~

終於等到老公返,我地就再去食"牛角"喇~~ (想再食o麻~~)

今晚我地既甜品係"焦糖布甸" 味Haagen Dazs,似到爆,連層焦糖面都整埋,正~

 

想睇第七日既相,請連結~~
http://www.fotop.net/sleepyheaddeer/sleepyheaddeer07

password : tokyo