小鹿

第一次o係 TVB 睇 《神探伽利略》個廣告...

嘩.. 見到福山雅治呢個戴眼鏡遮面既手勢...

心即刻諗...吾係化,咁鬼老土既,又吾型,一定吾慌好睇...

點知有晚神推鬼擁咁睇左香取慎吾o個集~~~

咦.....又幾好睇喎!

呢個用物理學黎查案既劇集採用單元形式,一集一件案件,每集都有明星客串,有香取慎吾、深田恭子、

廣末涼子、唐澤壽明等等,確實好吸引~

而男女主角起既化學作用係超乎意外咁好,令人好有追看既衝動!!!

福山雅治飾演湯川學,雖然高大有型,但卻古古怪怪,不苟言笑。

每次破案時都會好似儍佬咁隨處寫下連串公式,再擺埋招牌手勢...

嘻.. 好似好刻意,又好似好漫畫咁... 但福山又幾型喎~

男人真係年紀越大先越有魅力~

同一屋簷下既二佬...當年對於我黎講,真係一D吸引力都無喎...

 相比當年,家下係咪型好多呢?!

而柴崎幸今次飾演既傻大姐熱血刑警內海薰, 竟然出奇地討好~

一向cool 爆又不討好既佢飾演呢個充滿拼勁又有正義感既角色,

對住乜都曉,乜都叻既湯川,有時會流露D花癡表情,又真係幾可愛~

《神探伽利略》原來已經係2007年既秋季日劇, 而電影版既伽利略《嫌疑犯X的獻身》亦已經o係10月頭在日本上左畫~

而香港亦會o係今年聖誕檔期上映!!!

電視版本去到結尾都無講佢地有冇一齊,勁似 HERO 入面既木村同松隆子~

希望電影版會交代啦~~~

依家未上,就睇左 TVB 12月21號 播既前傳《神探伽利略ZERO》先啦!!!

期待 ing......