小鹿

等左成個月,終於可以睇到張國良醫生喇!

今日book 左 Dr Cheung 4 pm,老公都請左假陪我  

我地去左"原居民"食lunch, 跟住就去行下永安買左bra 同埋大肚leggings~

有左BB之後, 原本自己用開D bra 都開始吾係太舒服同吾啱身,

而呢D for 大肚 既bra 好似質地舒服D,呢D $$ 都係吾慳得架喇~     

4pm上到去, 侯診室好大,幾張大sofa 都坐滿晒人,

吾怪之得咁難book 啦~

登記完,姑娘就話 Dr Cheung 出左去接生,要晏D先番...

下.... 吾係咁黑仔嘛... 第一次睇就撞正醫生出去接生...  

姑娘話可以出去行下,晏D call 我返黎...

原本諗住坐下等,但呢間醫務所D冷氣有D弱,人又多,

都係出去行下啦...

出去行又吾知行去邊.........

自從有左之後,我成日都好攰,咁老公就決定同我上奶奶度攤下先~

等到差吾多6pm, 姑娘先call 我返去~

終於見到 Dr Cheung喇, 佢高高瘦瘦, 講野好陰聲細氣,

同上次睇既曾祥風醫生真係一個天一個地~  

Dr Tsang 係肥肥地講野好急,好似冇乜耐性咁~

儀器方面, Dr Tsang D儀器好好多,

Dr Cheung 部 u/s 機真係有D out...

個畫面似 14 吋o個D閉路電視...... ha ha 

今日都係好簡單咁做下 u/s, 簡單咁講下病歷同計下 EDD

不過Dr Cheung 8月頭兩個禮拜會放大假   

咁,,, 我要考慮下繼吾繼續揾佢幫我 follow up....

同埋佢話 8 月份私家醫院爆得好犀利,佢會幫我hold 左9月頭法國既位先~

整體上, 我同 Billy 都覺得Dr Cheung 夾我多D,

依家係擔心佢放大假同儀器呢兩個問題.... 再諗下先啦...

又到照 BB 既時候喇!!! ^^

BB 已經有 2.41 cm 喇!! 

BB依家既形態比起上次已經更加似一個胎兒~

雖然睇得吾係好清楚,但係BB既手仔腳仔都成形喇~

Dr Cheung 仲畫左個公仔有手仔腳仔架,嘻! 好可愛~