小鹿

其實...

我同老公對BB女都情有獨鍾~  

我覺得BB女好似嗲D又可以同佢扮靚靚~  

老公就更加,睇佢對 abby 特別偏心就知啦~  

身邊既朋友又成日話佢外父相..

而且囡囡通常嗲爸爸多D既,

如果小B係囡囡,一定冧死佢~

其實...

我地都一心諗住小B會係囡...

尋日 Dr Cheung 已經睇到小B性別喇~~

o係佢部"蒙太奇"

我一D都吾識睇....嘻

佢指住小B兩隻腳仔中間....

話有D野突左出黎.....   

我自己睇畫面就見到有三小點白色..中間既點係大D既~~

冇錯.... 係三點.....

小B 係 ....

Dr Cheung 話應該有 80% 以上係囝囝~~~

o個一刻, 我不可置信地講左一句 :" 下.....係仔  ..."

Dr Cheung 都好詫異問番我:"你吾想咩?通常都好想架噃"

我仲要再問:"係咪好肯定架喇?會吾會係手仔黎架?"  

我係完全冇心理準備去接受呢個事實.....

有失望係真既~~

我仲同老公講: " 不如生多個!"

好癲....  

反而老公既反應比我正面得多,

原本我覺得恨囡既佢一定好失望,

但出到黎竟然係我失望多D...

我好似好衰咁.....  

老公同我講~~

小B係囝係囡都冇所謂啦~~

佢係我地既骨肉,

只要佢健健康康咁長大就 ok !!

係!!! 知道~~~

小B, 無論你係囝定囡,

爸爸媽媽都會好愛你    Forever