小鹿

今日我地會去久違了既涉谷,跟住就會去池袋,夜晚就約左亞曼食 Shabu Shabu~

天氣繼續都係卡拉卡拉咁,一日好天,一日唔好天,今日係好天,氣温亦非常高~

都好多年無落過涉谷喇,因為老公話涉谷唔好行, D野又同新宿差唔多,所以幾年都無特登去~ 

咁,今次咁啱有間食肆我地好想試,而且又咁多年無行過涉谷,所以就plan 半日行下喇~
第一站係西武,呢個商場我會列佢為弱冷商場第一位~~

我o係揀襪仔既 counter 真係差D暈低,邊有可能諗到,行D無乜人行既冷氣商場都會不斷流汗架,好似行緊戶外地方咁~

我見到D sales 著晒長袖套裝企o係D射燈下仲面不改容,一滴汗都無,真係要寫過服字~

跟住就急不及待走落去 Jill Stuart counter, 點知 E/S 05 都係sold out...  

Limited Edition 真係催銷既好方法~

最出乎意料係個指甲貼竟然仲有貨呀,之前睇過既 counter 又係無貨架, 咁梗係買左先,再幫朋友買埋D化粧品就即走,我唔想o係商場都會中暑暈低呀~ 

 超靚既 Jill Stuart 化粧品

行完西武就行01 CITY喇,o係01 CITY入面,我經歷左天堂與地獄既買野對待呀~~

=== Lowrys Farm

全程D sales 無笑容,黑面,唔想理你~~ 

我拎件衫想去試,佢亦唔係好想做,機械式帶你去門口,掛好件衫,閃開~ ((當然亦係黑面))
原本見D sales 態度咁差,真係唔想買,但件衫寫住係呢間 01 CITY 先有既款...   好 ~ 算,照買~~

埋去比 $ , 叫佢比件新我,佢夠膽死話呢件係 last one...... 出面掛住坐底仲有5, 6件,你同我講係 last one???

擺明唔想撈咁~~~ (( 仲要個樣係~你買就買,唔買就算o個隻 ))

ok...你咁既態度,我咪又咁既態度,我原本都笑笑口,跟住都勁黑面,一句"唔該"都無,拎起袋衫就閃~~ 

不知所謂~~

=== Black By Moussy

之前o係原宿Laforet 既 Moussy 想買 Jeans, 個 sales 想 serve 我但溝通唔到, 所以無買到 ~

而呢位 01 CITY Moussy sales 姐姐,係繼o係大阪 POU DOU DOU 遇到o個位超 nice 超 helpful 既sales之後既 super super nice sales !!! (要讚呀~ 尤其當你遇到D地獄黑面 sales之後)

我用英文同佢溝通,佢其實都唔係太明,但係睇得出佢好努力去理解我想要D乜~

用晒身體語言,睇得出佢好用心去 serve我!

終於買到一條心水 jeans, 佢仲即時幫我改埋褲, 正! 唔駛返到 HK 又要拎去改!

 久違了既涉谷街頭

我o係 01 CITY 仲買左 Rebecca Taylor 既八達通套, 粉紅色架,好令~

跟住行埋 PARCO 就去搵我地想食o個間黑豚喇, oh ~~~ 點知係唔開午市架...鳴...無得試!

 無得食都影下相啦 ~o~

無得食黑豚,我地就去東急既中村屋食佢出名既咖喱飯喇~~ 

 老公又係次次黎日本都要食一次先安樂既~

食飽飽就去01 CITY 拎番條牛仔褲,老公就再去西武,買番之前睇中既衫,跟住就落池袋喇~

今次落池袋,遇到件事令到我好嬲,好唔開心呀!~ 

話說,我拖住老公行緊去 SANRIO, 突然,迎面有個好高大,著花恤衫,長鬈頭髮既男人o係我右手邊行過,好大力咁撞我右邊膊頭,我係比佢撞到退後左幾步,佢行過時,仲要有D利器撞擊聲(king king kang kang咁)~~ 

佢撞到我好痛,無講對唔住大搖大擺咁繼續行,我同老公停低向後望,個男人已經行左去,亦無回過頭,我地當時好嬲但亦唔知點咁,唔通用英文鬧佢o羊~只好不了了之~~

跟住我地企埋一邊,因為我比佢撞到好痛~ 我覺得佢係特登撞我,所以即刻睇下我揹o係右邊膊頭既袋,發覺個袋比D利器界爛左...好彩個窿好細,同埋入面無唔見野! 但我真係好激氣,好嬲,個袋o岩o岩o係大阪買,又係老公幫我揀既,咁樣比人整爛,好唔開心呀~~跟住嘩一聲就喊左出黎...

((( 無諗過去旅行會遇著黐線佬架~~~)))

待我心情平伏後,老公就帶我去 Sanrio 睇 Kuromi 等我開心番~

 有得抽無得買既 Kuromi (我無抽呀~~)

 Kuromi Bra, 哈哈~

之後逛池袋都無乜心機,我無乜意慾買野咁呀~~

老公就o係 Big Camera 買左隻 Citizen 全黑色光動能錶, HK 無呢D款架, 千零蚊到,都好抵~ 我都有睇中D錶款,但價錢貴左D,所以無買 lu~ 

我地逛左Beams,西武同 Parco 就去左 Starbucks 坐下 Hea 下飲咖啡~

從來未試過o係東京會咁悠閒~~嘻   

我地約左亞曼 7pm o係池袋牧場 dinner ~ 好耐無見過亞曼喇,佢過左黎日本都差唔多10個月喇~ 

我覺得亞曼打扮o架妹左, D日文好勁呀~  ^^ 同埋覺得佢開心左,開朗左~ (( 讀書永遠係最開心快樂無憂無慮既日子~))

見到佢既快樂,我亦都好開心!!  

(( 雖然妳唔能夠睇住我嫁,我有dd唔開心架~但讀書緊要D呀,我明白架,妳都要比心機考好個試,我地下年再聚~))





我地食食食,傾傾傾 (( 雖然今次食牧場有D失望 )),好開心~ (( 如果亞正o係埋度就最好~ ))

亞曼送我地去 JR 站,教我地搭琦京線,只要一個站就由池袋返到新宿,唔使搭山手線咁多個站~ 勁~  

返到新宿,我終於逛左酒店樓下間 Franc Franc,跟住買左杯 Mango 味既 Haagen-Dazs 做今晚既宵夜~ 嘻 

想睇第五日既相,請連結~~ 
http://www.fotop.net/sleepyheaddeer/sleepyheaddeer04

password : tokyo